أهداء الى والدي المتوفى

**بحر الحنان** · 20-06-2004, 10:28 PM

[frame="6 80"]السلام عليكم

نقلت لكم هذه العبارات بعد ما احسستها بكل حرف مكتوب فيها
لست من كتبها ولكنها تجسد لدي الكثيييييييييييييير

يبه وينك ؟؟

ولهت لنظره من عينك ....

يبه وينك ؟؟

اشوفه طوّل غيابك !!

و من ودّاك .... ما جابك !!

قالوا ما يدوم الزين !!

و انا عندي امل للحين ..

و لا كني اعرفك وين !!

يبه وينك ؟؟

عسى الداعي يبه بس خير ؟!!

عساك بخير ....!!

مداين تكرم لعينك ...

بس ارجوك علمني ...

علمني .. يبه وينك ؟؟

سألت امي عن رجوعك ...

ولا كني اعرفك وين !!

و قالت ..

ما يدوم الزين !!

و انا .. عندي امل للحين ..

في رجوعك !!

يبه بس تكفى علمني ....

متى رجوعك ؟؟

يبه بس تكفى علمني .

وش احلى من طلوع اثنين ؟؟

طلوع الشمس .... و طلوعك

يبه وينك ؟؟

سألت امي ...... غيابك طال ؟؟

ولا كنّي اعرفك وين !!

و قالت مثل ما قالت ..

حسافه ...

ما يدوم الزين ...

مع كل هذا صدقني ..

انا عندي امل للحين !!

سؤالي عنك يالوالد ..

صار كما الموال

و اشوفه طال ...

والله طال ..

حزين .. بلحنه و حروفه ...

يخاف .. يموت من خوفه ...

و قلب ٍ كان اقوى قلب ...

ضعف .. من قسوة ظروفه ..

يبه ..

ارجوك علمني ...

تشوف اللي انا اشوفه ؟؟

انا اشوفك نهار و ليل ...

في وسط المجلس تصلي ..

و تدعي الرب ييسر لي ..

يبه ..

ما عاد بي من حيل ..

وين الحيل ؟؟

و انا اشوفك نهار و ليل ..

مع اني ادري ما ترجع !!

غريبه .. بعدها تدمع ..

عيوني من هموم البين !!

و ادريبه مكانك وين !!

مع َ هذا .. ارد و اسأل !!

يبه ....

وينك ؟؟

و لا كني اعرفك وين !!

شبكت العشر في غيابك ...

على راس ٍ كساه الشيب ..

و من وداك ... ما جابك ..

و لا ادري وش يخبي الغيب !!

و جرح ٍ عذ ّب احبابك ....

يبه ..عيّا يخف و يطيب !!

يبه.. كل جرح في الدنيا ..

مصيره بالدوا يلتم ...

و لكن البلا من جرح ..

نزف فرقاك ... بليّا دم !!

و هذا الفرق في جرحي ...

عجز يلقا الدوا دكتور ..

انا جرحي غريب الطور !!!

ينزف ... بس بليّا دم ..

و زاد الهم فوق الهم ...

و دام انك يبه غايب ...

جروح الغيبه ما تـلتم ..

بس عندي امل للحين !!

و لا كنّي اعرفك وين !!

يبه .. ذكراك تفرحني ....

في نفس الوقت تجرحني !!

لا من جبت في طاريك ...

دموعي غصب تفضحني ....

يبه .. تذكر ليالي الصيف ؟؟

عرس الحي .. و رقص السيف ؟؟

و كرم قلبك معَ هـالناس ..

كل ٍ كان في بيتك ضيف ..

الا يا حيف .... الا يا حيف ..

زمن قاسي ..

زمن قاسي ...

اخذ مني بلا رحمه

اخذ مني اعز ناسي !!

و خلاّ لي سهر هالليل ..

في عيني ضيف ..

الا يا حيف !!

يبه وينك ؟؟

تعال و شوف ...

كبرنا مثل ما تمنيت .

درسنا كل ما حبيت ..

نصلي مثل ما وصيت ..

و ندعيلك في كل ظروف ..

يبه وينك ؟؟

تعال و شوف ..

صحيح الدنيا ما ترحم ..

تجرعنا التعب انواع ...

و لكن الأمل ما ضاع ..

و انا عندي امل للحين !!

و لا كني اعرفك وين !!

يبه تذكر شطانـتـنا ؟؟

انا و اخواني و اخواتي ...

معانا عيال حارتنا ..

نلعب في زوايا البيت ..

يبه ... والله انا حنيت ..

لذاك الوقت في وجودك ...

الا يا ريت ... الا يا ريت ...

ترجع .. يا يبه حنيت ..

حسافه الدنيا ما ترحم ...

خذت منا سعادتنا ...

خذتك بعيد .. و خلتنا !!!

يبه امي تذّكرنا ...

بأيامك قبل ما تروح ...

تناديها.. يا روح الروح ..

تغازلها و تنظر لك ..

مثل طفله ...

ملامحها عشق مفضوح ...

في ذاك الوقت .. كنا صغار ...

معَ هذا ... كنا نغار ..

عليها .. او بعد منها ... كنا نغار

نحبك يا يبه ... ارجع

مثل شمس الفجر .. اطلع

حزينه الشمس في غيابك ..

و نفس الحزن في احبابك ..
واخاف الشمس من حزني ..

تغيب و ما بعد تطلع !!

يبه ارجع !!

اذا لي خاطر فـ قلبك ..

تعال و زورنا بس يوم ...

مع انه ما يكفينا .. نشوفك يوم ..

نبي حضنك يدفينا .. و نشوفك دوم ..
لكن قلّت الحيله ... و يمكن مـ البطا ضاعت ..

و قلنا يوم !!

يبه سامحني بترخّص ...

قبل ينشف حبر الأقلام ..

كلامي بعده ما خلّص ..

و لكن موعد الأحلام ..

حان ..

ولازم اوفي له..

بعد ما ضاعت الحيله ..

اشوفك و***** باكر !!

اذا فكّر يجي باكر ..!!

و برجع اسألك وينك !!

بس لازم تجاوبني ..

ترى عندي امل للحين !!

و لا كني اعرفك وين ..!! [/frame]

المصدر: منتديات ضفاف

Hi]hx hgn ,hg]d hglj,tn

**مسك** · 20-06-2004, 11:07 PM

جميلة ورائعة بكل ماتحمله الكلمات من معنى . نشكرك على هذا النقل أختنا الفاضلة بحر الحنان . نسأل الله أن يرحم جميع أموات المسلمين وأن يجمعنا بوالدينا في جنات ونهر في مقعد صدق عند مليك مقتدر

alteemsaah · 20-06-2004, 11:22 PM

اخت بحر
اولا تقبلي تعازي ولو انها متاخرة
""
ثانيا اختي مشكور على هذا النقل الرائع
وربي يصبرك ويصبر كاتب الابيات

**بحر الحنان** · 21-06-2004, 04:29 AM

شمام يسعدني انها اعجبتك ياهلا فيك

التمساح الله يجزاك خير غايتي هو ان نترحم على موتانا ونذكرهم دائما مهما طال غيابهم

**عاشق القمه** · 21-06-2004, 05:40 AM

وانا بدوري اعزييك ايضا
مع ان التعازيي مهما كانت ماتسويي شي لا ترد حبييب غالي غاب ولا تنسيي لكن المشاركه في احزان الغير شي ايجابي وييعني ممكن تجبر الخاطر

بحر الحنان اقولها لك بصراحه انا احتقرت جميع مشاركاتي في ادبيات والقصايد الي جبتها احتقرتها يوم قريت القصيده هذي
صراحه مؤثره الا ابعد درجه تصدقين يمكن قرييتها 10 مرات مع انها طوييله بس ابداع كلمه قاصره عن وصف هذه القصيده على الاقل بالنسبه لي حقيقه اثرت فيي واااااااااااااااااجد
وأمنيتي ان كل الاعضاء يقرونها لانها تستحق مع ان الاعضاء قل اقبالهم على ادبيات الايام هذ ي

لكن الله يعطيك الف عاااااافه
ومشكوررررره جدا
يابحر الحنان

**بحر الحنان** · 23-06-2004, 11:59 AM

عاشق القمه جزاك الرحمن على مواساتي
حقيقه قد تاتيك كلمات لاترد عزيز فقدته ولكنها تبث احساس بانه هناك من
يشاركك الالم

اشكرك جدا جدا عاشق القمه على تعليقك الاكثر من رائع

**دمع البنفسج** · 24-06-2004, 06:46 AM

قرأتها رائعه جداً

أبكتني يابحر الحنان

عزائي لك حبيبتي وأسأل الله أن يجمعكما في جنات الخلد

اللهم آمين ،،

اللهم آمين ،،

اللهم آمين ،،

لكِ مني كل الحب والإحترام

**بحر الحنان** · 25-06-2004, 01:51 AM

احبك الذي احببتني فيه
تسلمين ياعمري على مشاعرك الطيبه

ABU MAZN · 25-06-2004, 01:59 AM

الله يرحم والدك اختي العزيزة بحر ..................

ويسكنه فسيح جناته

قصيدة رائعه صيغت على لسان بري لا يعرف الدنيا واهوالها

وما يمضيه القدر في من سكن على ارضها ....