النتائج 1 إلى 6 من 6

الموضوع: طريقة تنظيف جهازك( الابتوب) من الغبار والاتربه

  1. #1
    مراقبـة عامــة
    الصورة الرمزية ولــه
    تاريخ التسجيل
    Mar 2009
    الدولة
    ¬ ᴇ ᴇ ʟ
    المشاركات
    14,259
    شكراً
    322
    شكر 912 مرات في 499 مشاركات
    معدل تقييم المستوى
    558

    طريقة تنظيف جهازك( الابتوب) من الغبار والاتربه

    وش الأضرار اللي تصير للجهاز إذا ما نظفته ؟! ]
    - يتراكم الغبار ويسد منافذ التهوية
    - بطء وتعليق الجهاز
    - إعادة التشغيل المفاجئ
    - يطفي الجهاز فجأة
    - إرتفاع حرارة الجهاز
    - تقليل الأداء
    - تغيير ألوان عرض الشاشة
    - جراثيم وبكتيريا

    [ طيب وش أستخدم إذا جيت أنظف الكمبيوتر؟! ]
    فيه أغراض معينة للتنظيف موجودة في محلات الكمبيوتر العادية ..
    وفي جرير و بست .
    و بالنسبة لأسعارها : تقريباً تعتبر متوسطة وتتراوح بين 10 إلى 40 ريال .


    [ تنبيهات قبل البدء بالتنظيف ]
    إيقاف تشغيل الجهاز
    + فصل الكابلات والأسلاك الموصولة بالجهاز
    + إخراج البطارية .


    * قبل ما نبدا بتنظيف أجزاء اللاب توب .. نمسح كامل الجهاز
    من الخارج بقماش قطني جاف .



    [ تنظيف لوحة المفاتيح ]

    * تنظيف الكيبورد يمر بثلاث خطوات :



    الأولى
    باستخدام أعواد الأسنان .. ننظف اللي تحت أزرار الكيبورد .. اللي مبطي ما نظف جهازه
    بتطلع له بلاوي تخليه يصاب بالوسواس القهري ولا يستخدم الكيبورد مره ثانيه إلا وهو
    لابس قفازات



    الثانية
    - نستخدم فيها البخاخ ( Compressed Air = الهواء المضغوط )
    وطريقته هي رش خفيف من تحت لأنه إذا ضغطناه بقوه بيطلع لنا كمية كبيرة من
    السائل .. ولأنها كبيره ما راح يمديها تتبخر كلها .. بعضها بس اللي يتبخر والباقي سائل .

    - يكون الرش بشكل مائل من تحت الزر عشان تطلع الأشياء على سطح الكيبورد .

    - يفضل إنه يصير معنا عود أسنان ومنديل خلال استخدام البخاخ عشان ننظف اللي يطلع
    على سطح الكيبورد .

    - عملية التنظيف تكون باتجاه واحد .. يعني نبدا من يمين الكيبورد ونمشي ليساره .

    راح نلاحظ خلال التنظيف إن علبة البخاخ سوف تبرد من كثرة الاستخدام .. إذا صارت باردة
    مره نتركها شوي تسخن وبعدين نكمل .. طبعا تفسير سبب برودتها هو تفسير فيزيائي بحت
    لا يسعنا شرحه في هذا المقام << أقرب مخرج خخخ



    الخطوة الثالثة
    بواسطة أعواد القطن .. نغمسها بمحلول منزلي عبارة عن مويه وقليلاً من صابون
    سائل .. عاد لا أحد يتحمس ويحط منظف كحولي قوي
    بعد ما نغمس أعواد القطن بالمحلول .. نستخدمها في تنظيف جوانب الزر لأنها تصير
    مغبره .. وإذا جينا ننظف زر معيّن نضغط الزر اللي جنبه عشان يعطينا نتايج أفضل .

    ملاحظة : إذا طلّعنا أعواد القطن من المحلول .. نجففها بمنديل قبل ما نستخدمها بالكمبيوتر
    عشان ما تصير مبللة ويدخل المحلول بين أزرار الكيبورد .



    آخر شي
    نمسح سطح الأزرار بمناديل التنظيف .. ولا ينفع مناديل مبلله بالماء
    لأنها ما تزيل بقع الزيت وبصمات الأصابع .
    المناديل هذي تنفع لمسح لكل شي .. وتنظيفها ممتاز .. لو بغيتوا بعد
    تمسحون فيها الوجه عقب المكياج << عاد لا أحد يصدق الأخيرة ونبلش بكم خخخ



    مكنسة الهواء .. ينفع نستخدمها أثناء استخدام البخاخ ..
    عشان إذا طلع شي على سطح الكيبورد نشفطه
    تشتغل عن طريق توصليها بمنفذ USB .. وعشاننا مسوين
    إيقاف تشغيل للكمبيوتر اللي ننظفه نجيب كمبيوتر ثاني عندنا
    ونشبكها فيه .


    [ تنظيف الشاشة ]



    أول خطوة نقوم بـ رش محلول تنظيف الشاشة على قطعة قماش ومن ثم نمسح الشاشة
    بهذه القطعة .. ولا ينفع نرش المحلول على الشاشة مباشرة لأنها شاشة كريستال وليست
    حوض زرع

    فيه طريقة ثانيه أسهل وهي مناديل الشاشة الجاهزة .. نمسح بها مباشره بدون محاليل
    أو غيره .. وطريقة التنظيف تكون بحركة منتظمة من الأعلى للأسفل .



    ثانياً نمسح الشاشة بقطعة قطنية وناعمه ، قطنية عشان مايكون فيها شحنات كهربائية ..
    و ناعمه لأن الخشنة تخدش سطح الشاشة ( مهيب سهله شاشة الكريستال .. طلعت كيوت)

    فيه شغلة مهمه لازم ننتبه لها أثناء التنظيف : وهي إننا نضغط برفق ولطف على الشاشة
    لأنها حساسة وتتأثر .

    ثالثاً بالنسبة للزوايا .. نلف منديل مبلل على عود أسنان وننظف به .

    [ تنبيهات أثناء تنظيف الشاشة ]

    - إذا جينا ننظف الشاشة نخليها على جنب عشان توضح لنا البصمات واللطخات .
    - نتجنب استخدام المناديل الورقية / الجرايد / منشفة استحمام / مناديل / منديل المائدة .
    - لازم ننتبه لشغلة مهمة في محلول الشاشة .. وهي إن المحلول لازم يكون خالي من
    مادة الأمونيا " نشادر " لأنها تقلب ألوان الشاشة وتشوّه عرض الصورة .
    - يمنع استخدام الماء العادي لأنه يترك آثار شبيهة بالخطوط البيضاء على الشاشة .

    وعشان ما نقع في الأخطاء السابقة .. من الأفضل إننا نستخدم مناديل الشاشة الجاهزة .
    ( نفسها مناديل الكيبورد )

    .

  2. هذا العضو قال شكراً لك يا ولــه على المشاركة الرائعة:

    Sham (19-05-2011)

  3. #2
    مراقبـة عامــة
    الصورة الرمزية ولــه
    تاريخ التسجيل
    Mar 2009
    الدولة
    ¬ ᴇ ᴇ ʟ
    المشاركات
    14,259
    شكراً
    322
    شكر 912 مرات في 499 مشاركات
    معدل تقييم المستوى
    558

    رد: طريقة تنظيف جهازك( الابتوب) من الغبار والاتربه

    [ تنظيف الـ TouchPad ]



    أحيانا تنظيفه يطوّر من سرعة استجابته .. ننظفه بالمناديل المبللة ..
    وعشان نكون أكثر دقة ناخذ عود أسنان ونلف عليه المنديل المبلل
    وننظف الزوايا .


    [ تنظيف المنافذ ]



    نلف منديل مبلل على عود أسنان وننظف به .. وبرضه نستخدم
    البخاخ عشان الغبار .. بس المنافذ اللي فيها مراوح ما ينصح
    باستخدام البخاخ لأنه أحيانا يخلي المراوح تدور بسرعه وتندمر
    أو تتلف وعشان مانقع في هالمشكلة نستبدل الهواء المضغوط
    بأعواد أسنان .


    [ تنظيف المراوح الداخلية ]

    يفضل إنها تكون عند الوكيل لسببين : عشان ما يروح عليك الضمان
    إذا فتحت الكمبيوتر + صعوبة تركيب الجهاز بعد فتحه .


    [ تنظيف محرك الأقراص ]



    فيه سي دي جاهز يجي معه سائل تنظيف .. طريقته إنك ترش السائل على السي دي
    وتحطه في محرك الأقراص .. وفكرته هي وجود فرشة صغيرة .. إذا حطينا السي دي
    في محرك الأقراص راح تدور الفرشة وتنظف الغبار .


    [ تنظيف الـ CD ]

    فيه طريقة يدوية معروفة لتنظيف السي دي وهي إنك تنظفه بقطعة قماش ناعمه وبطريقة
    منتظمة من الداخل للخارج وعلى شكل عقارب الساعة الخ
    بس هالطريقة ممكن ما تتم بشكل صحيح مما يسبب تلف معلومات السي دي .. لذلك من
    الأفضل استخدام أجهزة مخصصة لتنظيف السيديهات .. موجودة في جرير .



    طريقتها هو رش سائل على سطح السي دي بعدين نحطه داخل الجهاز ومن ثم نغلق
    الجهاز ونلفه بشكل دائري مثل الرحى لمدة 15 – 30 ثانية .

    * فيه قلم خاص بالتنظيف وشغلته إنه يمسح المكتوب على السي دي
    جربته على سي دي قديم له فوق سبع سنوات ولا مسح .. بس السيديهات الجديدة مسحها ..
    يجي هالقلم مع مجموعة تنظيف كاملة .


    [ ما بعد التنظيف ]

    - نترك الجهاز شوي عشان ينشف بعدين نفتحه
    - نستخدم أغطية الحماية حقت الشاشة والكيبورد ونضعهم على الجهاز عشان
    تحفظه من الغبار والأشياء الأخرى .
    - نحرص على ترك مجال للتهوية خلف جهاز الديسكتوب وخلف الشاشة وتحت اللاب توب .
    - عدم الأكل والتدخين عند الجهاز .

    [ كم مره لازم أقوم بعملية التنظيف للجهاز ؟! ]

    تنظيف خارجي مره كل أسبوع ( مسح الجهاز من الخارج بقطعة قماش)
    تنظيف شامل مره كل شهر أو شهرين ( مثل اللي بالموضوع)
    تنظيف داخلي للمراوح مره كل عام .


    .

  4. عدد 3 أعضاء قالوا شكراً لك يا ولــه على المشاركة الرائعة:

    بيبسي تلقيمةعضو ذهبي (20-05-2011),رغودة (19-05-2011),Sham (19-05-2011)

  5. #3
    عضو ذهبي
    الصورة الرمزية رغودة
    تاريخ التسجيل
    Dec 2010
    الدولة
    آلسَعــــوديـّه
    المشاركات
    1,159
    شكراً
    7
    شكر 133 مرات في 88 مشاركات
    معدل تقييم المستوى
    31

    رد: طريقة تنظيف جهازك( الابتوب) من الغبار والاتربه

    يعطيـك العافيـه يــارب


    يسلمو قلبـووو
    آلهيْ *’

    بقدر مايتمنونَ ليَ . , أرزقهمٌ اضعآفه’

  6. #4
    مراقبـة عامــة
    الصورة الرمزية ولــه
    تاريخ التسجيل
    Mar 2009
    الدولة
    ¬ ᴇ ᴇ ʟ
    المشاركات
    14,259
    شكراً
    322
    شكر 912 مرات في 499 مشاركات
    معدل تقييم المستوى
    558

    رد: طريقة تنظيف جهازك( الابتوب) من الغبار والاتربه

    ويسلمك ربي من كل شر ياعسل

    .

  7. #5
    من كبار الشخصيات
    الصورة الرمزية silver
    تاريخ التسجيل
    Jun 2008
    الدولة
    UAE
    المشاركات
    3,528
    شكراً
    212
    شكر 113 مرات في 36 مشاركات
    معدل تقييم المستوى
    134

    رد: طريقة تنظيف جهازك( الابتوب) من الغبار والاتربه

    السلاااام عليييكم و رحمة الله و بركااااته
    الصرااحة أنا صارت معاي و الجهاز كان يعلق و يسكر و فالنهاية خلاص حرم يفتح
    ودييته و نظفوووه و كل شي لكن بعد ما فااات الأوااان

    يعطيييييج العافية عالموضوع القيم
    .. ..

    (( سبحان الله و بحمده .. سبحان الله العظيم ))

  8. #6
    مراقبـة عامــة
    الصورة الرمزية ولــه
    تاريخ التسجيل
    Mar 2009
    الدولة
    ¬ ᴇ ᴇ ʟ
    المشاركات
    14,259
    شكراً
    322
    شكر 912 مرات في 499 مشاركات
    معدل تقييم المستوى
    558

    رد: طريقة تنظيف جهازك( الابتوب) من الغبار والاتربه

    ويعافيك ربي حبيبتي , نورتي

    .

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 22
    آخر مشاركة: 18-08-2011, 03:08 PM
  2. طريقة تنظيف البشره
    بواسطة ولــه في المنتدى مكياج - تسريحات - عناية بالشعر - عناية بالبشرة
    مشاركات: 2
    آخر مشاركة: 16-05-2011, 07:08 PM
  3. [فيديو] شرح طريقة تنظيف الجهاز من الفيروسات تماما و على ضمان جني ازرق
    بواسطة جني أزرق في المنتدى صور X فيديو X مقاطع X أفلام X بلوتوث X كركاتير
    مشاركات: 8
    آخر مشاركة: 09-11-2009, 04:58 PM
  4. شرح مصور لكيفية تنظيف جهازك من بقايا الإنترنت
    بواسطة نــور الشمس في المنتدى شروحات برامج
    مشاركات: 8
    آخر مشاركة: 13-05-2009, 05:18 PM
  5. طريقة إتلاف الصور قبل حذفها من جهازك ( أمان للخصوصية )<<خطير
    بواسطة نــور الشمس في المنتدى برامج مجانيه - تحميل برامج - برامج ضروريه - برامج جديده - برامج فيروسات - برامج حماية
    مشاركات: 13
    آخر مشاركة: 21-05-2008, 09:50 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Search Engine Friendly URLs by vBSEO 3.6.0