كيفية تنظيف قفص الطيور الجميلة

[مسك]

السلام عليكم جميعا ياأعضاء فواكه الكرام ... وبعد .. فقد طلبت من الأخت الفاضلة الرحيق أن تكتب عن موضوع تنظيف قفص الطيور أسوة بموضوعها تنظيف حوض السمك . لكنها رفضت بحجة أنها لا تربي الطيور . وطلبت مني أنا أن أكتب في هذا الموضوع ... فأستميحكم عذرا أن أكتب في هذا الموضوع بدون وجود صور لأن الطريقة سهلة وبسيطة .

طبعا عندك زوج من الطيور الجميلة مثل الكناري وإلا العاشق والمعشوق وإلا أي نوع من هذه الطيور اللي تعرفونها طبعا وأنا ماأبغى أسمي .عندك هالقفص مبلشك وتبي تنظفه فإليك الطريقة المناسبة :

1- قفل جميع الأبواب اللي موجودة في البيت

2- افتح القفص بعناية وحذر حتى لا تخيف الطيور

3- ابعد اخوانك الصغار أو أي طفل موجود في البيت

4- أطلق العصافير وخلها تطير في البيت قليلا

5- وفي هذه اللحظة والطيور مشغولة بالطيران خذ القفص ونظفه وهن مايدرن عنك ، تمام

6-نظف القفص جيدا بالماء والصابون ولا مانع من استخدام فيري . وإذا عندكم ديتول يستحسن بعد استخدامه

7 - خل القفص ينشف شوي وحاول أنك تمسك الطيور أنت وأهلك عشان ترجعونهن للقفص . وأهم شيء لايجيكم أحد للبيت ويفتح الباب أثناء عملية المطاردة ...

وشكرا

---

;dtdm jk/dt rtw hg'd,v hg[ldgm

[تذكــــــار]

مشكور اخوي شمام على الموضوع..

وانشالله اول مايصير عندنا قفص اناا ول من ينظفه ..

[مسك]

أشكر لك أختنا الفاضلة تذكار هذا المرور . بس أهم شيء سكروا الأبواب لما تنظفون القفص عشان ماتنحاش الطيور

[كلي شموخ]

تسلم اخوي شمام
بس مسأله ان نترك الطيور تطير بالغرفه صعب
بقولك طريقتي ناخذ كرتون فيه ثقوب صغيره او قفص ثاني ونحبس الطيور فيه وبعد تنظيف القفص تنقل له

وبصراحه ولا مره نظفت لأني ماعرف امسك طير فااوكل المهمه للشخص ثاني

والله يعطيك العافيه

[الرحيق]

شمام؟؟
انا عندي طريقة اسهل
لا اتخلي الطيور يطيرن ولا اتحطهم في صندوق في ثقوب( خبوق) ولا هم يحزنون

سوي خلطة مكونة من البندول نايت (كانت هدية طويل الشوق في لعبة التخمين) والماااااااااااااااء ( مب امبااااااااااع فيه فرق لو سمحتوا)
وخلوا الطيور يشبرونه غصبن عنهم
بيرقدون في سلااااااااااااااام
وبعدها انروم ننظف قفصهم ونحنا مطمئنين
صح ولا غلط؟؟
تحياتي
الرحيق

[مسك]

نشكر الأخت الفاضلة لمعة الماسة على مرورها واضافتها القيمة . وهي وضع صندوق لنضع فيه الطيور . والله فكرة زينة . بس قضية نخلي الطيور تطير عشان نرفه عنها شوي أحسن بدل ماهي محشورة في القفص أربع وعشرين ساعة

وكذلك نشكر الأخت الفاضلة الرحيق على مرورها واضافتها . بس والله مايصلح حرام ياأختنا نستخدم معها أدوية وأخاف تكون الجرعة زايدة وتموت العصافير ونكسب ذنبها بسببك وسبب أفكار أخونا الفاضل طويل الشوق اللي قاعد يسوي تجارب علينا الله يجزاه خير قاعد يمارس المهنة .

[الرحيق]

ما عليك انته
جربها أول وانا اضمن لك انهم ما بيموتون
بالعكس بتفتك من المراكض وراهم

اطحنه واخلطه في الماي
محد بيدري
نيهاهاهاهاهاي
البندول نايت مفييييييييييييييد صدقني

[مسك]

الفكرة مش بطالة . بس صعب نشربهن الموية غصب . الغصيبة تاليها الشماتة كما يقولون ..خلهن يطيرن بحرية بدل مايجونا حقين حقوق الطيور ويقولون أنتم تنهكون حرية الطيور في اجبارها على شرب الماء . لا ولو دروا أن في هالموية بنادول نايت أضرب وأضرب يتهمونا أننا نحاول قتلها . فخلينا مرتاحين ونطارد وراهن بدل ماينطون في حلوقنا

[فاكهه قطرية]

عصاااااااااااااافير ....الصراحه اهلي مغرمين تربية فيهم ......




وكل الشكر لك اخوي شمام على الموووووضوع الحلو ...

والي عجني اكثر

وأهم شيء لايجيكم أحد للبيت ويفتح الباب أثناء عملية المطاردة ...

بس عندي نصييييييييحه ...

لا تسمع كلام الرحيق حرام بعدين يموتون ....

انا افضل تجيبهم عندي وتخليهم يتسلون مع سمكة الرحيق ..وقطوتنا ميشووووووووووو

لوووووووووووووووول

[الرحيق]

القطرية؟؟
قطوتكم اسمها ميشو؟؟
مشكله الدلع؟؟
>>>> وحدة غيارة لأنه قطوتها اسمها ام كشة ( شكلي بغير اسم قطوتي وبخليها فيفي) ......> رقاصة مب قطوة

المووووووووووهم
شمام
ما عليك من القطرية
انا تيتشر وأعرف
بس ان كنت اتخاف من جماعة حماة الحيوانات
انا بعطيك خيار ثاني
حط العصافير في كيس مال المخدة تمام؟؟
وبعدين دور الكيس ودورة ودوره يااااااا الله لحظة ابا اتنفس ودوره
بس حاسب عن يصقعون في اليدار
إليييييييييييييييين ما يروحون في سبات عمييييييييييق
ومن تفتح الكيس بتحصلهم نايمين شرات البيبيات الحبوبين والكتاكييييييييت
( وإن حصلتهم ما رقدوا ارضخ الكيس رضخة وحدة بس في اليدار(الجدار انتوا اتسمونه)

وبعدها اتروم اتنظف القفص بطريقة آمنة ومتحضرة
صوووووح ولا لااااااااااع؟؟
تحياتي
الرحيق